Yɨ́p chichuŋ mo̱ya tampátpa jɨmño̱m, we̱ñi iñipñeyajt́im iaŋcɨɨm o icapeljo̱m. Tsa̱m pɨ̱mi apid́ɨy.
Ámtaamɨ, tu̱m mo̱ya agui pɨ̱mi wɨ̱, tsa̱m wɨ̱ accuyajneta̱. Nuntajɨyi̱mɨ annɨ́mayt́ámpa Nu̱cht́i mo̱ya.
Cɨŋpam ixɨ jém capel, núcneum jém ja̱ma iga tacapeltuctámpam. Wɨ̱tsacnewɨɨm iñt́a̱nti iga iga mit́ugóypa.
Jém cuypetcuy chióypa xut́utampɨc it́ɨm, agui wɨ̱ taŋcút, agui paac. Tampátpa tuŋjo̱m, ca̱maŋna̱ca, nɨ aŋna̱ca.
We̱ñi itɨ́ŋyajpa, iwatyajpa ipetcuy.
Yɨ́p jɨmñɨ wa̱yjam tu̱m cuy togoypam ixɨ, jeeyucmɨ wɨ̱ iga mimicht́am íñixpɨctámiñ y iñjo̱doŋatámiñt́im iga wɨ̱ taŋcút. Sɨɨptsam tampátpanam jɨmño̱m.
Yɨ́p taatsɨc tu̱m mɨjpɨc cuy, agui wɨ̱putpa capeljo̱m.
Taŋcúdáypa jém ipuuqui y jém ipac sosneeba, wɨ̱t́im taŋcúdáy.
